اپنی درگاہ میں مجھ کو تو بلا یا خواجہ

اپنی درگاہ میں مجھ کو تو بلا یا خواجہ

تا کہ ہو جاوے مرا اس میں بھلا یا خواجہ

مرا خون جلتا ہے فرقت کی تپش سے ہر دم

کر دے تو وصل کی شربت سے مداوا خواجہ

دل میں ہو تیرے محبت مری ہر دم خواجہ

یہی مقصد ہے مرا یہی تمنا خواجہ

کرتا ہے وجد کوئی اور کوئی روتا ہے کھڑا

تیری درگاہ میں دیکھا یہ تماشا خواجہ

واجدِؔ خستہ پہ رکھنا تم عنایت کی نظر

وہ برا ہے یا کہ ہے آپ کا اچھا خواجہ