جلوۂ شانِ خدا مستان شاہ

جلوۂ شانِ خدا مستان شاہ

مظہرِ نورِ خدا مستان شاہ

مخزنِ جودو سخا مستان شاہ

معدنِ لطف و عطا مستان شاہ

بر سرِ تاجِ خلافت خواجگاں

چشم چشتی میں بسا مستان شاہ

مجھ سے کیا ہو وصف عالی جاہ کا

خود خدا کرتا ثنا مستان شاہ

شہر دہلی میں عیاں ہے فیض عام

رہنما اہل صفا مستان شاہ

مرقدِ انور پہ جا کر دیکھ لو

پرتو صلِ علیٰ مستان شاہ

پڑ گئی جس پر توجہ کی نظر

بول اٹھا انی انا مستان شاہ

کب ہو کابل کے مقابل دو جہاں

جس جگہ پیدا ہوا مستان شاہ

کیا خطر چشتی لاہوری کو میاں

جس کا ایسا پیشوا مستان شاہ

جو کہ ہو بیمار ہجرِ دلربا

اس کو دیتے ہیں دوا مستان شاہ

میراںؔ شاہ با شوق دیکھا غور سے

غیرِ حق سے ما سوا مستان شاہ