جو کوئی با صدق دل دربار جائے صابری

جو کوئی با صدق دل دربار جائے صابری

دیکھ لے آنکھوں سے اپنی وہ لقائے صابری

جس کو بخشا ہے خدا نے ذوق شوقِ خواجگاں

بس وہی جانے میاں صفت و ثنائے صابری

سرنگوں بہرِ زیارت آتے ہیں شاہ و گدا

میں ہوں اک ادنیٰ غلامِ خاک پائے صابری

جس کے دل میں ہو طلب دیکھے جمالِ روئے حق

خاک کلیر آنکھ میں سرمہ لگائے صابری

اپنی ہستی اور خودی سے جو کوئی آزاد ہو

واصلانِ حق وہی ہے آشنائے صابری

حضرت مخدوم کی کیا شان ہے صل علیٰ

جن و انسان و ملائک ہیں فدائے صابری

میراںؔ شاہ تو کون ہے پوچھے کوئی تو دے سنا

بندۂ مسکیں جنابِ حق نمائے صابری