دکھا دیدار محبوبِ الٰہی

دکھا دیدار محبوبِ الٰہی

سخی سرکار محبوب الٰہی

جو تجھ پر جلوہ گر ہے ذاتِ ربی

خفی اسمائے محبوب الٰہی

ہوئے دہلی کے سلطاں شاہ ولایت

زہے مختار محبوب الٰہی

ہمہ نا سوت سے لاہوت تک ہے

تیرا اظہار محبوب الٰہی

عیاں ہے گنج مخفی چشتیوں کو

تیرا اسرار محبوبِ الٰہی

خبر لے اے مسیحا جاں بلب ہوں

تیرا بیمار محبوبِ الٰہی

عنایت یا نظام الدین چشتی

میرے غمخوار محبوبِ الٰہی

کھڑے ہیں سرنگوں انساں ملائک

تیرے دربار محبوبِ الٰہی

میاں کس شوق سے آتے ہیں در پیش

تیرے دربار محبوب الٰہی

براہِ فرد عالم دل سے میرے

مٹے آزار محبوب الٰہی

یہ ہر دم میرانؔ شاہ کی ہو زباں سے

رواں گفتار محبوب الٰہی