یا خواجہ معین الد ین ولی سلطان الہند رسولِ نما

یا خواجہ معین الد ین ولی سلطان الہند رسولِ نما

مقبول جناب علیٰ و نبی منظور حبیب ذاتِ خدا

تم شاہ شاہاں ہو اجمیری ہے عرش بریں پر دھوم تری

ہے قرب فرائض قرب ترا ہے کون و مکان میں جلوہ تیرا

تیرے فیض قدوم مبارک سے آباد ہے گلشنِ ہندوستاں

اے مالکِ ملکِ ولایت کے تیری سب ہیں رعایا شاہ و گدا

مخلوق خدا میں کون ہے وہ جسےتری جمال کا شوق نہ ہو

سبھی جن و ملائک حور پری انساں تو سبھی ہیں جیسے فدا

ہیں قطب الدین فریدالدین علاؤ الدین نظام الدین

کیا جلوہ گری ہے پنج تنی کیا فیض حضور ہے ارض و سما

بس میراںؔ شاہ کیا وصف کہوں کیا شان کہوں کیا میری زباں

اسلام یہی اور دین یہی ایمان یہی ہیں بحرِ سخا