نورِ کون و مکاں یا شہِ انبیا
نورِ کون و مکاں یا شہِ انبیا
زیبِ عرش و جناں یا شہِ انبیا
حامئ بے کساں یا شہِ انبیا
راحتِ عاشقاں یا شہِ انبیا
نورِ ربّ العلیٰ بات وحئ خدا
نام ہے مصطفیٰ یا شہِ انبیا
آپ کے ذکر کا بول بالا ہوا
واہ رفعتِ شاں یا شہِ انبیا
چاند ٹکڑے ہوا خور الٹا پھرا
خوب تاب و تواں یا شہِ انبیا
آپ کے واسطے حق نے پیدا کیے
یہ زمین و زماں یا شہِ انبیا
دیکھ کر خلق کو غیر بھی ہو گئے
آپ کے قدر داں یا شہِ انبیا
ہر خفی و جلی فضلِ سبحان سے
آپ پر ہے عیاں یا شہِ انبیا
میں گنہگار ہوں سخت لاچار ہوں
آپ ہیں مہرباں یا شہِ انبیا
پھر کرم کیجیے آ کے میں دیکھ لوں
آپ کا آستاں یا شہِ انبیا
ہم سے کیا ہوسکے جب کہ رب خود کرے
شان و رِفعت بیاں یا شہِ انبیا
دل سے مدح کرے اپنے مرزاؔ کو دے
وہ قلم وہ زباں یا شہِ انبیا
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
