مصطفیٰ کا دیار کیا کہنے
مصطفیٰ کا دیار کیا کہنے
ہے بڑا شاندار کیا کہنے
بات پھولوں کی بھی نرالی ہے
دشتِ طیبہ کے خار کیا کہنے
مدح خواں آپ کا شہِ عالم
خود ہے پروردگار کیا کہنے
آپ کے آپ کے گھرانے کے
اے شہِ نامدار کیا کہنے
دونوں عالم پہ شاہ کو رب نے
دے دیا اختیار کیا کہنے
کر دیا رب نے حاضر و ناظر
آپ کو تاجدار کیا کہنے
غیب آقا سے کیا نہاں ہوگا
نہ چھپا کردگار کیا کہنے
دور و نزدیک سے گداؤں کی
سنتے ہیں وہ پکار کیا کہنے
جب تڑپ کر کہا رسول اللہ
آیا دل کو قرار کیا کہنے
گر رہا تھا صراط سے تم نے
کر دیا مجھ کو پار کیا کہنے
قربتِ مصطفیٰ میسر ہے
واہ یارِ مزار کیا کہنے
نعت کہتا ہے آپ کی مرزاؔ
یہ کرم یہ وقار کیا کہنے
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
