تجھے ڈھونڈتا ہوں میں چار سو تیری شان جل جلالہ

تجھے ڈھونڈتا ہوں میں چار سو تیری شان جل جلالہ

تو ملا قریب رگِ گلو تیری شان جل جلالہ

تیری یاد میں ہے کلی کلی ہے چمن چمن میں ہوالعلی

تو بسا ہے پھول میں ہو بہو تیری شان جل جلالہ

تیری جستجو میں ہے فاختہ کہ کہاں تو جلوہ دکھائے گا

اُسے وِرد کو کو ہے کو بکو تیری شان جل جلالہ

تیرا رنگ لعل وگہر میں ہے تیرا نور شمس وقمر میں ہے

تیری ذات عم نوالہ تیری شان جل جلالہ

تیرے حکم سے جو ہوا چلی تو چٹک کے بولی ہر اک کلی

ہے کریم تو ہے رحیم تو تیری شان جل جلالہ

تیرا جلوہ دونوں جہاں میں ہے تیرا نور کون ومکاں میں ہے

یہاں تو ہی تو وہاں توہی تو تیری شان جل جلالہ

ہے دعائے اکبرؔ ناتواں نہ تھمے قلم نہ رکے زباں

میں لکھوں پڑھوں یہی باوضو تیری شان جل جلالہ