اے ساقی کوثر رندوں پر جب تیری عنایت ہوتی ہے

اے ساقی کوثر رندوں پر جب تیری عنایت ہوتی ہے

ڈوبی ہوئی ہر پیمانہ میں اللہ کی رحمت ہوتی ہے

جب ان کی نوازش ہوتی ہے جب ان کی عنایت ہوتی ہے

دوزخ بھی بسا اوقات اے دل اپنے لے جنت ہوتی ہے

اللہ کے گھر سے آتے ہیں اللہ کے گھر سے جاتے ہیں

کعبہ میں ولادت ہوتی ہے مسجد میں شہادت ہوتی ہے

دل ہے کہ تڑپتا رہتا ہے آنسو ہیں کہ بہتے رہتے ہیں

اے ضبط الم کچھ توہی بتا کیا چیز محبت ہوتی ہے

سر راہِ خدا میں دیتا ہے گھر بار لٹا کر جب کوئی

تب جاکے بڑی مشکل سے کہیں تکمیل شہادت ہوتی ہے

شبیر کو جس جس نے دیکھا ہے کاندھے پہ پیمبر کے اکثر

یہ اس سے کوئی پوچھے جامیؔ کیا چیز امامت ہوتی ہے