محمد مصطفیٰ کی سب جہاں میں بادشاہی ہے

محمد مصطفیٰ کی سب جہاں میں بادشاہی ہے

بڑی دولت محمد نے خدا اپنے سے پائی ہے

گروہ اولیا نے اور گروہ انبیا نے بھی

ترے ہی در پہ گردن آ کے سب نے بس جھکائی ہے

تو ہی متبوع عالم ہے تو ہی سردار ہے اس کا ہے

ترے حکم قضا تابع کی تابع کل خدائی ہے

جو تجھ سے پھر گیا دوزخ میں بیشک وہ گرا انساں

اسی نے دو نوں عالم میں سدا ذلت اٹھائی ہے

یہ دیکھو رتبۂ مداح حضرت وقت گرمی کے

سروں پر ان کے خالق نے گھٹا رحمت کی چھائی ہے

درد دیں مصطفیٰ پر جو کہ پڑھتے ہیں دل و جاں سے

دلوں میں ان کے آئینہ سے بڑھ کر بس صفائی ہے

لکھا کر مدح حضرت کی خلیل اس دار فانی میں

برائے مدح خالق نےزباں تیری بنائی ہے