مدینے کا سفر ہے اور میں ہوں
مدینے کا سفر ہے اور میں ہوں
مقدر راہبر ہے اور میں ہوں
سکوں حاصل ہوا آنکھوں کو میری
عنایت کی نظر ہے اور میں ہوں
شہیمِ خلد ہر سو ہے خراماں
عجب وقتِ سحر ہے اور میں ہوں
کرم ہے اس حبیبِ کبریا کا
فزوں دردِ جگر ہے اور میں ہوں
بلایا ہے میرے آقا نے مجھ کو
پیامِ معتبر ہے اور میں ہوں
کلیمؔ عشقِ نبی لے کر چلا ہوں
یہی زادِ سفر ہے اور میں ہوں
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
