وجہِ تسکینِ جاں درود شریف
وجہِ تسکینِ جاں درود شریف
ہے بسِ بے بساں درود شریف
ہے غنا کا سبب غریبوں کو
کردے غم کو دھواں درود شریف
بھولی چیزوں کے یاد آنے کا
نسخہ ہے بے گماں درود شریف
پھول کے رس سے کیوں نہ شہد بنے
پڑھتی ہیں مکھیاں درود شریف
شہد کی طرح نوعِ عصیاں کو
کرتا ہے نیکیاں درود شریف
بحرِ رحمت میں ڈوبنے کو رہے
ہر گھڑی بر زباں درود شریف
یہ ہے اللہ کی عطا ورنہ
ہم کہاں اور کہاں درود شریف
مشکلوں میں ہوں کیوں پریشاں جب
ہے کَسِ بےکَساں درود شریف
بلبل و گل درود پڑھتے ہیں
پڑھتی ہیں تتلیاں درود شریف
ہے یہ فرمانِ جعفرِ صادق
سنیوں کا نشاں درود شریف
چاہیے دید تو معظمؔ پھر
رکھیے وردِ زباں درود شریف
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
