امین دولتِ دنیا و دیں صدیق اکبر ہیں
دلچسپ معلومات
منقبت در شان حضرت ابو بکر صدیق (مدینہ-سعودی عرب)
امین دولتِ دنیا و دیں صدیق اکبر ہیں
محمد مصطفیٰ کے جانشیں صدیق اکبر ہیں
محبت سرورِ عالم کی تاحد لحد پہنچی!
رفاقت دیکھیے پہلو نشیں صدیق اکبر ہیں
حریم خانۂ کعبہ امامِ مسجد بطحا!
امیرالحج ، امیرالمؤمنیں صدیق اکبر ہیں
انہیں والشمس کے جلووں کا آئینہ سمجھ لیجے
نبی مہر مبیں، ماہ مبیں صدیق اکبر ہیں
سکینت لے کے آ پہنچا ولا تحزن کا پروانہ!
جو دیکھا غار میں اندوہ گیں صدیقِ اکبر ہیں
ہوا ہے ختم جن پر جذبۂ ایثار و قربانی
وہی شیدائے ختم المرسلیں صدیق اکبر ہیں
وہ ترتیبِ خلافت ہو کہ منزل ہو فضیلت کی
وہ فخرِ اولین و آخریں صدیق اکبر ہیں
بہر عالم پیمبر کی وصیت کا بھرم رکھا
پیمبر کی وراثت کے امیں صدیق اکبر ہیں
بلال ان کو نہ کیوں کہتے مبارکؔ سید و مولیٰ
جمال رحمۃ للعالمیں صدیق اکبر ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
