اُس کی ہر اک صبح ہے ہر شام ہے

اس کی ہر اک صبح ہے ہر شام ہے

اس کی قدرت کا ہی جلوہ عام ہے

اس کا ثانی ہی نہیں ہے دوسرا

ہر زمانے کا یہی پیغام ہے

ذره ذره دے رہا ہے یہ پتہ

وہ جہاں ہے سب سے اونچا دھام ہے

پردۂ کونین میں ہے صرف وہ

ہر زباں پر بس اُسی کا نام ہے

اپنے بندوں کی نگہبانی کرے

لطف فرما اس کا ہر اکرام ہے

وہ ہی سب کا ایک مالک ہے فقط

چپہ چپہ پر یہی کہرام ہے

بھر لے دامن نعمتوں سے آئے مبینؔ

اُس کا تو ہر سمت فیض عام ہے