نورِ نگاہِ سید کونین فاطمہ
دلچسپ معلومات
منقبت در شان حضرت فاطمہ زہرا (مدینہ منورہ-سعودی عرب)
نورِ نگاہِ سید کونین فاطمہ
مولائے کائنات کا ہیں چین فاطمہ
شانِ عروج آپ کا روشن جہاں پہ ہے
وجہِ وجودِ حضرتِ حسنین فاطمہ
پھر کیسی ہوگی حاضریِ در کی کیفیت
جھکتے ہیں تیرے نام سے جب نین فاطمہ
دیں کو حسن، حسین سے ہی زندگی ملی
ہیں تیری گود سے ہی امامین فاطمہ
تیری ردائے پاک کا احساں ہے دین پر
کرتے ہیں اعتراف فریقین فاطمہ
آمد پہ تیری ہوکے کھڑے خود بتا گئے
تعظیم تیری سیدِ ثقلین فاطمہ
اہلِ طلب کو تو نے نوازا ہے خیر سے
ہے تیرا در خزینۂ دارین فاطمہ
شوہر علی ہیں اور جگر گوشۂ رسول
تیرے نصیب میں ہے یہ سعدین فاطمہ
یہ بھی ترے دیار کا ادنیٰ غلام ہے
آصفؔ پہ بھی ہو چشم کریمین فاطمہ
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
