باطل یزیدِ بے نشاں محروم و ناتمام ہے

باطل یزیدِ بے نشاں محروم و ناتمام ہے

حق پر ڈٹا ہوا مرا شبیرِ نیک نام ہے

نامِ یزید مٹ گیا نامِ یزید مٹ گیا

زندہ مرا امام تھا زندہ مرا امام ہے

جبر بھی کانپ جائے گا ظلم بھی تھرتھرائے گا

میدان میں حسین ہے میدان میں امام ہے

فکرِ یزید انتشار فکرِ یزید انتقام

فکرِ حسین اتحاد احقاقِ حق پیام ہے

روتی ہے ان کے واسطے ارض و سما کی ہر فضا

محشر تلک یہ نوحہ و گریہ علی الدوام ہے

مہکے ہوئے ہیں کس قدر بوسہ گہہ حضور بھی

ہر ہر نظر میں آج وہ کرب و بلا کی شام ہے

جیسے کہ یومِ دین میں شام تو ہوگی شب نہیں

کرب و بلا میں ویسے ہی شام شامِ تمام ہے

جو ہیں رفیق امام کے جو ہیں شہیدِ کربلا

ان کے لیے درود ہے ان کے لیے سلام ہے

کب ہے یہ جرأتِ قلم جو ان کی مدح ہو رقم

آصفؔ کہ اہلِ بیت کا ادنیٰ سا اک غلام ہے