روشن یہ کائنات ہے سرکار آپ سے
روشن یہ کائنات ہے سرکار آپ سے
ہر تیرگی کو مات ہے سرکارآپ سے
پھیلا ہوا ہے نور دو عالم میں آپ کا
تزئینِ شش جہات ہے سرکار آپ سے
یہ جن و انس شمس و قمر بحر و بر گھٹا
ہر ایک کو ثبات ہے سرکار آپ سے
ہے آپ ہی کے ذکر سے ہر دن مرا حسیں
پُر کیف میری رات ہے سرکار آپ سے
میں نعت گو نہ تھا تو کوئی جانتا نہ تھا
مشہور میری ذات ہے سرکار آپ سے
آصفؔ کی زندگی میں ہمہ دم سجی ہوئی
بزمِ تصورات ہے سرکار آپ سے
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
