یوں تو سارے نبی محترم ہیں سرورِ انبیا تیری کیا بات ہے

یوں تو سارے نبی محترم ہیں سرورِ انبیا تیری کیا بات ہے

رحمتِ دو جہاں اک تری ذات ہے اے حبیبِ خدا تیری کیا بات ہے

روحِ کون و مکاں پہ نکھار آ گیا روحِ انسانیت کو قرار آگیا

مرحبا مرحبا ہر کسی نے کہا آمدِ مصطفیٰ تیری کیا بات ہے

حضرت آمنہ کے دلارے نبی غمزدہ امتوں کے سہارے نبی

روزِ محشر کہے گی یہ خلقِ خدا سب کے مشکل کشا تیری کیا بات ہے

چار سو رحمتوں کی گھٹا چھا گئی باغِ عالم میں فصلِ بہار آگئی

دل کا غنچہ کھلا اسمِ اعظم ملا ذکرِ صلِ علیٰ تیری کیا بات ہے

رحمتِ دو جہاں کا خرنینہ ملےِ جب گلے سے ہوائے مدینہ ملےِ

عرشیوں کی ندا فرشیوں کی صدا اے درِ مصطفیٰ تیری کیا بات ہے

آرزو بھی جو دل کی وہ پوری ہوئی روضۂ مصطفیٰ کی حضوری ہوئی

ہر جگہ پہ ظہوریؔ ظہوری ہوئی اے نبی کے گدا تیری کیا بات ہے