عرب ہے مظہر شانِ محمد
عرب ہے مظہر شانِ محمد
عجم ہے زیر فرمانِ محمد
بحارِ خونِ کفر اک دم سے پی جائیں
لبِ شمشیرو پیکانِ محمد
رخِ مہر قیامت کا نمونہ
رخِ شمشیر عریانِ محمد
گیے اک حرف سے طرفِ سقر میں
ہوئے جو حرف گیرانِ محمد
ادا کب ہوئے شکر اُن کا کہ جو ہیں
خدا کے بعد احسانِ محمد
بہت ماں باپ پر ہے میرا احساں
انہیں کرتا ہوں قربان محمد
الٰہی کون سا دن ہوئے گا وہ
کہ ہوں میں پھر بھی مہمانِ محمد
الٰہی عاشقانِ با صفا کو
نہ ہوئے داغ ہجرانِ محمد
لگائیں جائے سنگ آستانہ
مجھے اے کاش دربانِ محمد
غمِ امت میں تھا اللہ رے کیا کچھ
وہ جوشِ چشمِ گریانِ محمد
پیام آیا ہم اتنا خوش کریں گے
نہ ہوگی پھر حزیں جان محمد
ہنسانا ہم کو محشر میں خدایا
طفیل روئے خندانِ محمد
ہمیشہ مدحِ احمد کے لیے تو
مرے اللہ رحمانِ محمد
بہت رکھ مجھ پر احسانِ مضامیں
طفیل روحِ حسانِ محمد
فقیرؔ اپنی کہاں طاقت ہے واللہ
کہ ہوں میں کچھ ثنا خوانِ محمد
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
