صورتِ مرشد میں ہے جلوہ رسول اللہ کا

صورتِ مرشد میں ہے جلوہ رسول اللہ کا

آئینہ پیش نظر ہے ثم وجہ اللہ کا

پیرویٔ پیرِ کامل، پیرویٔ مصطفیٰ

یہ طریقت ہے طریقہ خاص اہل اللہ کا

میں ہوا کافر بلا سے مجھ کو کافر ہی کہو

بندۂ مرشد ہوں شیدا عاشق اللہ کا

ہم تو کرتے طواف کعبۂ دل روز و شب

ہو مبارک شیخ کو کعبہ خلیل اللہ کا

لے کلیدِ قل ھو اللہ، لا الہٰ کا کھول در

دیکھ جو نقشہ ہے خود کا ہے وہی اللہ کا

صوفیٔ سرمست نے انجمؔ کو یوں سمجھا دیا

راز ہے بس ایک نکتے میں کلام اللہ کا