حق نگیں، حق نما، حق نگر مصطفیٰ

حق نگیں، حق نما، حق نگر مصطفیٰ

جلوۂ کبریا سر بسر مصطفیٰ

آپ کی یاد روحانیت کی دلیل

آپ کا غم ہے وحدت اثر مصطفیٰ

طے کیا آن کی آن میں آپ نے

سدرۃ المنتہیٰ کا سفر مصطفیٰ

آپ دلدارِ حق آپ شہ کار حق

آپ کونین کے تاجور مصطفیٰ

میں مدینے میں مجھ میں مدینہ رہے

ختم ہوں یو نہیں شام و سحر مصطفیٰ

مجھ پہ کھل جائیں رازش خفی و جلی

’’ڈال دیجے کرم کی نظر مصطفیٰ‘‘

اپنی مرضی سے خود جلوۂ فرما ہوئے

آپ مختار ہیں کس قدر مصطفیٰ

آپ کی دید ہی حق کی دیدار ہے

آپ لاریب خیرالبشر مصطفیٰ

آندھیاں کفر و ظلمت کی مٹتی نہ تھیں

تم نہ آتے جہاں میں اگر مصطفیٰ

آپ کا دامنِ پاک ہاتھوں میں ہے

کیا ڈرائے گی نارِ سفر مصطفیٰ

اے گرامیؔ یہ معراج ہے عشق کی

میری سانسوں میں ہیں جلوہ گر مصطفیٰ