قبلہ ام در دو جہاں نیست بجز روئے علی

میرا قبلہ دونوں جہاں میں سوائے علی کے چہرے کے کوئی نہیں ہے ہم عشقِ ابروئے علی کے خنجر سے گھائل ہیں۔

حقیقت کا دریائے ذخار جب ظہور میں آیا، اس کےدُرّ حقیقت کی لڑی گیسوئے علی ہوئی۔

میرا خرمن عقل آپ کے جلوۂ مبارک سے بالکل جل گیا، آپ کے چہرۂ مبارک سے میرے دل میں عشق کی چنگاری بھڑک اٹھی ہے۔

جب دل کے آئینہ میں علی کا منور چہرہ جلوہ گر ہوا تو، عالمِ غیب سے اُس وقت میرے دل پر حقیقت کا کشف ہوا۔

جب میرا دلِ ناتواں موئےعلی کی طرف کھنچنے لگا تو، مرے دل سے صبر و قرار اور آرام یک لخت جاتا رہا۔

ازل سے ابد تک انھیں کے احسان کی وجہ سے زندگی ہے ایک دل بھی ایسا نہیں ہے جو گیسوئے علی سے وابستہ ہو۔

اے زاہد تو کعبہ کی طرف کیا تمنا کرتا ہے، قبلہ اور کعبۂ مقصود تو کوچۂ علی ہوا۔

حیدر کرار کے سوا حقیقت کا دریائے ذخار کوئی نہیں، علی ہی کی وجہ سے میرے دل پر فیض کی تجلی ہوئی۔

حضرت علی خمِ صفا کے ساقی، بتوں کے توڑنے والے اور محرم راز الٰہی ہیں، جس طرح جمشید کے جام میں احوالِ عالم نظر آتا تھا، علی کے گھٹنوں سے جامِ جم عیاں تھا۔

دونوں عالم حضرت علی کی نگاہ میں بال برابر بھی حیثیت نہیں رکھتے تھے، تو پھر ذرہ برابر بھی خلافت کا میلان حضرت علی کی طرف کیسے ہو سکتا تھا۔

فقر اور غذا کا شیوہ، جد و جہد ریاضت اور فاقہ کشی یہ سب چیزیں اہل دلِ کو بلا شبہ حضرت علی کی طرف لے جانے والی ہیں۔