لب کھول ادب سے شہ‌_لولاک کا در ہے

لب کھول ادب سے شہ‌ لولاک کا در ہے

اعمال سبھی خاک میں مل جانے کا ڈر ہے

جس جا پہ وہ آئینۂ حق جلوہ نشیں ہے

جو لطف وہاں ہے وہ کہیں اور نہیں ہے

یہ مانا کہ مکے میں بھی اللہ کا گھر ہے

مولا نے بنایا اسے منظور خلائق

سب عرشی و فرشی ہوئے دیدار کے شائق

سب اہل نظر کا وہی منظور نظر ہے

اسریٰ میں وہ قوسین و دنیٰ شان محمدؐ

دیدار‌ خدا صرف ہے شایان محمدؐ

ہم جیسوں کی معراج مدینے کا سفر ہے

پڑ جائے جو دل پر تو پگھلنے نہیں دیتا

جو پھول کھلا دیتا ہے جلنے نہیں دیتا

ممتازؔ وہ آقا کی محبت کا شرر ہے