کتاب_دل پہ رقم لا_الہ_الا_اللہ

کتاب دل پہ رقم لا الہ الا اللہ

پیام شاہ امم لا الہ الا اللہ

عرب ہو یا ہو عجم لا الہ الا اللہ

نبی کے نقش قدم لا الہ الا اللہ

یہی خلاصۂ توحید اور رسالت ہے

احد میں میم ہے ضم لا الہ الا اللہ

ہے کارخانۂ قدرت کا لفظ کن سے وجود

یہ ہست و بود و عدم لا الہ الا اللہ

سراپا ابد ہے ہر چیز کبریا کے حضورؐ

سر نیاز ہے خم لا الہ الا اللہ

یہی ہے تزکیۂ قلب و نفس کا ساماں

یہی ہے بحر کرم لا الہ الا اللہ