ہے مدعا دل پہ ہر بار پیر صابر

ہے مدعا دل پہ ہر بار پیر صابر

دیکھوں میں آکے تیرا دربار پیر صابر

جامِ وصال مجھ کو بہرِ خداپلا دے

فرقت کی تشنگی سے ہوں زار پیر صابر

دربار میں بلالے روضہ مجھے دکھا دے

لب پر میرے یہی ہے تکرار پیر صابر

فرقت میں تیری میرے دل کی جو کچھ ہے حالت

لاریب ہے وہ تجھ کو اظہار پیر صابر

ہر ایک راز حق نے تم پر عیاں کیا ہے

ہے واقفِ رموزِ غفار پیر صابر

خدمت ہی تیرے در کی بخشے مجھے الٰہی

اس کے سوا نہیں کچھ درکار پیر صابر

ہر ایک کے ہے دل کی امید ملتی رہتی

ایسی سخی ہے تیری سرکار پیر صابر

قربان جان و دل سے ہوجاؤں اور صدقے

گر خواب میں دکھاؤ دیدار پیر صابر

خادم رفیقؔ کی ہے مدت سے آرزو یہ

دیکھو ں تمہارا آکر دربار پیر صابر