Font by Mehr Nastaliq Web

مقدر سے اگر سرکار میں جانا میسر ہو

مصطفیٰ حیدر حسن مارہروی

مقدر سے اگر سرکار میں جانا میسر ہو

مصطفیٰ حیدر حسن مارہروی

MORE BYمصطفیٰ حیدر حسن مارہروی

    مقدر سے اگر سرکار میں جانا میسر ہو

    تو جو کچھ میرے دل میں ہے وہ سب کچھ میرے لب پر ہو

    تمہارے در پہ جھکتے ہی مرے سر کا یہ رتبہ ہو

    کہ اس پر میرے رب کا فضل و رحمت سایۂ گستر ہو

    تمہارا حکم ہے جاری و ساری ساری عالم میں

    نہ کیوں کر ہو کہ تم تو نائبِ خلاقِ اکبر ہو

    تمہاری ضوفشانی، عطر بیزی کا یہ عالم ہے

    جہاں سے گزرو وہ کوچہ منور ہو معطر ہو

    منزہ ہو فضائل اور محاسن میں شریکوں سے

    اور حسنِ صورت و سیرت میں بھی بے مثل جوہر ہو

    مرے دل سے گناہوں کا یہ سارا میل دھل جائے

    اگر بارش تمہارے نور کی مجھ پہ بھی دم بھر ہو

    حقیقت کو تمہارے بس خدا جانے کہ تم کیا ہو

    ہمارا علم اتنا ہے سویٰ اللہ سب سے برتر ہو

    قیامت میں مجھے اپنے گناہوں کا نہیں کھٹکا

    خدا کے فضل سے جب تم شفیعِ روزِ محشر ہو

    زبانیں پیاس سے جب عرصۂ محشر میں ہوں باہر

    مجھے بھی اپنے صدقے میں عطا اک جامِ کوثر ہو

    حسنؔ کی لاج رکھ لینا کرم سے اپنے اے آقا

    بروزِ حشر جب وہ رو بروئے رب اکبر ہو

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta 11th Edition | 29-30-31 Jan, 2027 Buy Tickets

    بولیے