کرم ہو خاص مرے حال پر غریب نواز

کرم ہو خاص مرے حال پر غریب نواز

لگا دو مجھ کو فرشتوں کے پر غریب نواز

غریب ہوں میں، نہیں لعل و زر لٹانے کو

قبول ہوں مرے اشک گہر و غریب نواز

جو سر پٹک کے کہا، ہائے اب کدھر جاؤں

پکار اٹھے یہ دیوار و در غریب نواز

مقام آپ کا کتنا بلند ہے خواجہ

نہیں نظر کی وہاں گزر غریب نواز

قدومِ پاک کو جب چھو سکی نہ میری نظر

بنایا آہ کو پھر نامہ بر غریب نواز

تمام عمر کٹی جہل کے اندھیرے میں

ہو اب تو شام کی سحر غریب نواز

نگاہ و قلب کو آقا مرے روشن کرو

نہ ہونے پائے کسی کو خبر غریب نواز

بنا دو تم مرے نخل امید کو طوبیٰ!

عطا کرو مجھے میرا ثمر غریب نواز

تمہارے پاس مدینے سے ہو کے آیا ہوں

نہ ہونے دو مجھے اب در بدر غریب نواز

ہے مرے دل میں دردِ دستگیر کا ارماں

عطا کرو مجھے اذنِ سفر غریب نواز

جو در پہ آیا ہے دل کی مراد پایا ہے

کھڑا ہوں کب سے لئے چشمِ تر غریب نواز

غلام آپ کا ہے گرچہ نام ہے صاحبؔ

غریبِ شہر پہ بھی اک نظر غریب نواز