میسر خواب میں گر آپ کا دیدار ہو جاتا

میسر خواب میں گر آپ کا دیدار ہو جاتا

تو اچھا یہ اسی دم عاشق بیمار ہو جاتا

اشارہ چشمِ رحمت سے اگر اک بار ہو جاتا

میرا بیڑا یمِ عصیاں سے فوراً پار ہو جاتا

نہیں مقدور اتنا مفلس و نادار ہوں حضرت

بلاتے آپ تو حاضرِ سر دربار ہو جاتا

یہاں میں تم مدینے میں تو پھر کیا لطف جینے میں

مزا جب تھا تیرے دربار میں اے یار ہو جاتا

پریشاں اس طرح ہرگز نہ ہوتا ہجر میں مضطرؔ

میسر خواب میں اگر آپ کا دیدار ہو جاتا