یوں چمکتا ہے مقدر کا ستارہ دیکھنا

یوں چمکتا ہے مقدر کا ستارہ دیکھنا

جا رہا ہے سوئے طیبہ غم کا مارا دیکھنا

دین و دنیا کا میری تم بھی سہارا دیکھنا

تم بھی طیبہ جا کے طیبہ کا نظارہ دیکھنا

وہ یتیموں کے ہیں ملجا، بے سہاروں کے کفیل

کب گوارا ہے کسی کو بے سہارا دیکھنا

اک نگاہِ التفاِت عشق کی ہے آرزو

میری جانب بھی مرے آقا خدارا دیکھنا

آنکھ میں اشکِ ندامت آیا، بخشش ہو گئی

آنکھ میں آنسو انہیں کب ہے گوارا دیکھنا

خوش نصیبی یہ نہیں ہے اور کیا ہے پھر نعیمؔ

منظرِ طیبہ کو جا جا کر دوبارہ دیکھنا