پھر جنوں کہتا ہے خود کو پا بہ جولاں دیکھیے
پھر جنوں کہتا ہے خود کو پا بہ جولاں دیکھیے
نعیم الدین مرادآبادی
MORE BYنعیم الدین مرادآبادی
پھر جنوں کہتا ہے خود کو پا بہ جولاں دیکھیے
چلیے اٹھیے اب کے پھر وحشت میں زنداں دیکھیے
اپنے ہی سینہ میں کیجے اپنے دلبر کی تلاش
مصر میں کیا جائیے کیا چاہِ کنعاں دیکھیے
از رہِ بندہ نوازی چشمِ پُر انوار سے
دیکھیے میری طرف ختمِ رسولاں دیکھیے
دیکھیے سیمائے انور دیکھیے رخ کی بہار
مہر تاباں دیکھئے ماہِ درخشاں دیکھیے
دیکھیے وہ عارض اور وہ زلفِ مشکیں دیکھیے
صبح روشن دیکھیے شام غریباں دیکھیے
جلوہ فرما ہیں جبین پاک میں آیات حق
مصحفِ رخ دیکھیے تفسیرِ قرآں دیکھیے
یہ نعیمِؔ زار کیسا ہجر میں بے تاب ہے
دیکھیے اس کی طرف اے شاہِ شاہاں دیکھیے
مأخذ :
- کتاب : Riyaz-e-Naeem (Pg. 34)
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
