کیجیے کس سے بیانِ دردِ دل

کیجیے کس سے بیانِ دردِ دل

کس سے کہیے داستانِ دردِ دل

غیر کی منت اٹھانا کیا ضرور

حال کہہ دے گی زبانِ دردِ دل

سوزِشِ غم کا بیاں ہے آہِ گرم

چشمِ تر ہے قصہ خوانِ دردِ دل

عاشقِ شوریدہ سے کیا پوچھنا

زرد رخ ہے ترجمانِ دردِ دل

عاشقِ شوریدہ سے کیا پوچھنا

زرد رخ ہے ترجمانِ دردِ دل

دیکھ کر ان کو شگفتہ ہوگیا

کیا دکھاتا میں نشانِ دردِ دل

تابشِ رخ سے سحر کر دیجیے

ہے شبِ تیرہ جہان دردِ دل

زخمہائے دل کے غنچے کھل گئے

رنگ پر ہے بوستانِ دردِ دل

درد سچا ہے تو ہوگی چشمِ لطف

ہے یہی بس امتحانِ دردِ دل

اے صبا جا کر مدینہ میں سنا

حالِ زارِ نیم جانِ دردِ دل

لطف ہو منعمؔ سے فرمائیں حضور

ہے مزے کی داستانِ دردِ دل