تیرے نام سے ہے سکونِ دل ترا ذکر وجہِ قرار

تیرے نام سے ہے سکونِ دل ترا ذکر وجہِ قرار

تری یاد پر شہِ بحروبر! مری زندگی کا مدار ہے

وہ حرم کی پاک جلالتیں وہ حریمِ قدس کی تابشیں

ہوئیں جب سے ان کی زیارتیں، نہ سکون ہے نہ قرار ہے

وہ نشاطِ کیفِ مشاہدہ مجھے یاد ہے مجھے یاد ہے

جو وہاں ذرا سی پلائی تھی مجھے اب تک اس کا خمار ہے

کوئی مسکراتا ہے با ادب کوئی رو رہا ہے بہ چشمِ تر

کوئی مست ہے کوئی دم بخود کسی لب پہ ان کی پکار ہے

اے نسیم! سر کو جھکا کے چل یہ ادب کی جا ہے ذرا سنبھل

جہاں عظمتیں ہیں جھکی ہوئی یہ انہی کا پاک دیار ہے

وہ جو سو رہا ہے مدینے میں! کوئی جا کے اس کو یہ دے خبر

ترے اک غلامِ حقیر کو نہ سکون ہے نہ قرار ہے