مرحبا یہ شان و شوکت آپ کی
ہے ہر اک دل پر حکومت آپ کی
کر گئی گھر دل میں الفت آپ کی
اس لیے لب پر ہے مدحت آپ کی
اپنا کوثر بھی ہے اپنی خلد بھی
مل گیا سب کچھ بدولت آپ کی
مجھ کو طیبہ میں مِلے دو گز زمیں
اتنی ہو جائے عنایت آپ کی
اس کی آنکھوں کو ادب سے چوم لوں
جس کو حاصل ہو زیارت آپ کی
بے نیازِ فکرِ ہر عالم رہوں
صرف ہو دل میں محبت آپ کی
تابِ نظارہ نہیں دل کو مگر
پھر بھی آنکھوں کو ہے حسرت آپ کی
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
