کیا نام میرے لب پہ یہ آیا شرف_الدین

کیا نام میرے لب پہ یہ آیا شرف الدین

کیا نام خدا نام ہے پیارا شرف الدین

ماویٰ شرف الدین میرے ملجا شرف الدین

قبلہ شرف الدین میرے کعبہ شرف الدین

تم پیر تم ہی ہادی و مرشد تم ہی رہبر

تم ہو میرے والی میرے مولیٰ شرف الدین

دعوی نہیں مجھ کو بجز اقرار غلامی

آقا ہو مرے تم شہ اعلیٰ شرف الدین

اسلاف میرے آپ پہ سو جاں سے فدا تھے

اب میں بھی فدا ہونے کو آیا شرف الدین

دل میں میرے آ جاؤ کہ ہو جان کو آرام

فرقت نہیں اب آہ گوارا شرف الدین

سب دولت و حشمت کو جو دنیا کی لٹایا

ہاں ہاں تمہیں پایا تمہیں پایا شرف الدین

لا عالم فی العالم الا شرف الحق

فی العالم الّا انظر الا شرف الدین

گردن میں مرے ڈال کے ہاں طوق غلامی

بس اپنا لیجئے بندہ شرف الدین

جب تم سے ہے نسبت تو یہ کیوں کر نہ کہوں میں

تم میرے ہو میں ہوں تمہارا شرف الدین

دل میں ہو بسے پھر بھی نہاں کیوں ہو نظر سے

نیرؔ سے کرو یوں تو نہ پردہ شرف الدین