درِ مصطفیٰ سے پَرے ہٹنے والو ہوا نہ گذارا تو پھر کیا کرو گے

درِ مصطفیٰ سے پَرے ہٹنے والو ہوا نہ گذارا تو پھر کیا کرو گے

کوئی بھی اگر نہ ہوا دوجہاں میں وسیلہ تمہارا تو پھر کیا کرو گے

نبی جی کی تعظیم سے روکتے ہو صلوٰۃ اور تسلیم سے روکتے ہو

یہ حرکت تمہاری رسولِ خدا کو ہوئی نہ گوارا تو پھر کیا کرو گے

نبی جی کی تعظیم و تو قیر بیشک بحکمِ خدا مؤمنوں پر ہے واجب

مگر شرک کہہ کر جہنم ٹھکانا ہوا جو تمہارا تو پھر کیا کرو گے

نبی جی کو اپنی مثل کہنے والو خدارا ذرا اپنی حالت تو دیکھو

قیامت کے دن رحمت مصطفیٰ کا ہو انہ اشارا تو پھر کیا کرو گے

من اللہ نور ہے قرآن میں آیا مگر اس کا انکار تم کر رہے ہو

قیامت کے دن منکروں میں اگر نام آیا تمہارا تو پھر کیا کرو گے

نبی پاک کے علم غیبی کو تم نے ہے تشبیہ دی پاگلوں اور بچوں سے

قیامت کے دن دشمنانِ نبی میں اٹھے بے سہارا تو پھر کیا کرو گے

محبت نبی کی محبت خدا کی اطاعت نبی کی اطاعت خدا کی

نہیں مانتے ہو تو نہ مانو لیکن ہوا جو خسارہ تو پھر کیا کرو گے

نہ کام آئے گا زہد و تقویٰ تمہارا عبادت ریاضت میں دعویٰ تمہارا

بہ میدان محشر تمہیں جس گھڑی بد عقیدوں نے مارا تو پھر کیا کرو گے

خدا کے لیے تم زباں اپنی روکو سمجھنے کی کوشش کرو کچھ نبی کو

بروز جزا اس بے ادبی کا باعث ہوا نہ نظارا تو پھر کیا کرو گے

پڑی گی قیامت میں جب نفسی نفسی، صدا دیں گے وہ امتی امتی کی

تو اس دم شفیعؔ امم نے تمہیں جو دیا نہ سہارا تو پھر کیا کرو گے

میرے ملک و ملت کے اے نوجوانو مسلماں بنو نجمؔ کی بات مانو

قیامت کے دن تم سے راضی ہوا نہ جو محبوب پیارا تو پھر کیا کرو گے