لگا دو پار کشتی کو ہماری یا رسول اللہ
لگا دو پار کشتی کو ہماری یا رسول اللہ
مصیبت میں کرو یاری ہماری یا رسول اللہ
ہے کالی رات اندھیاری بھنور اٹھتی بڑی بھاری
تمہاری آس ہِت کاری ہماری یا رسول اللہ
گنہ کر معاف سب میرے چرن میں ہوں پڑا تیرے
دیا کر دے کٹے بپتا ہماری یا رسول اللہ
کروں اب دھیان میں کس کا نہیں ہے آپ سم دو جا
شفاعت ہے بڑی بھاری تمہاری یا رسول اللہ
نہیں کوئی رہا اپنا ہوا جگ رین کا سپنا
تمہارے نام کو جپنا ہے جاری یا رسول اللہ
ہے جیسے نوح کو تارا خلیل اللہ نستارا
لگا دو ہم کو بھی پارا ہے یاری یا رسول اللہ
دو دو کے جور کر بنتی تمہاری اب کرے یکتاؔ
میں جاؤں دل سے بلہاری تمہاری یا رسول اللہ
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
