سن اے ری سکھی چل راز گلی، یثرب کا بسیا آیا ہے

سن اے ری سکھی چل راز گلی، یثرب کا بسیا آیا ہے

نگری نگری ایک دھوم مچی، یثرت کا بسیا آیا ہے

ہر سو ہے قطب ابدال کھڑے، کہتے ہے یہ سب چپکے چپکے

چلیا نے کیسی چال چلی، یثرب کا بسیا آیا ہے

مخمور ہوا مدھم مدھم، کیا جھوم کے اٹھا ابرِ کرم

ہر چار طرف رحمت برسی، یثرب کے بسیا آیا ہے

کلیاں ہنس ہنس کر کھلنے لگیں، شاخوں سے شاخیں ملنے لگیں

پھولوں سے چمن نے مانگ بھری، یثرب کا بسیا آیا ہے

طوفانِ محبت جوش میں ہے، دیوانہ نصیرؔ اب ہوش میں ہے

عشاق کی بگڑی بات بنی، یثرب کا بسیا آیا ہے