اے میرے جذب دل اے مری آرزو

اے میرے جذب دل اے مری آرزو

نعت کہنے پہلے تو کر لے وضو

رکھ کے پیش نظر حکم ’’لا تقنطو‘‘

اک گنہ گار رحمت کے ہے روبرو

مختصر آرزو مختصر گفتگو

دم نکل جائے سرکار کے روبرو

اس کے محبوب آپ اس کے مطلوب ہیں

حکم جس نے دیا سب کو لا ترفعو

قرب قوسین میں ربطِ نورین میں

یا نبی تو ہی تو، یا نبی تو ہی تو

آرزو دیدِ سلطانِ کونین کی

آرزو ہے وہ سلطانِ کل آرزو

تیرے ادنیٰ غلاموں کی یہ شان ہے

جس کو دیکھا وہی ہو گیا مست ہو

آج تک بھی نہ خالق نے پیدا کیا

آپ سا آدمی آپ سا خوب رو

گل کو نکہت دی گیسو کے جن کی ہوا

مشک سے بہتر ان کے پسینہ کی بو

وحدت احمد میں بھی ہے احد میں بھی ہے

لا شریک لہ، لا شریک لہ

آرزوئے نبی جستجوئے نبی

پھرتی ہے لے کے بسمل تجھے کوبکو