جانِ ایماں ہے شہِ دیں کی عداوت سے گریز

جانِ ایماں ہے شہِ دیں کی عداوت سے گریز

باعثِ قہرِِ خدا ہے ان کی سنت سے گریز

جو رسول اللہ کی قدرت پہ شک ظاہر کرے

ہم پہ لازم ہے کریں ایسے کی صحبت سے گریز

صاحبِ سبعِ سنابل نے سکھایا ہے یہی

ہر ولی کرتا ہے اظہارِ کرامت سے گریز

ہو زباں شیریں تو کیا مشکل ہے تسخیرِ قلوب

سنتِ نبوی ہے استعمالِِ طاقت سے گریز

عشقِ محبوب خدا ہو جس کے دل میں جا گزیں

کیوں نہ ہو نظمی اسے دنیا کی دولت سے گریز

جو نبی کے علم کو شیطان سے کم تر کہے

نظمیؔ کرنا چاہیے ایسے کی صحبت سے گریز