زلف_لیلائے_دو_عالم کا جسے سودا نہیں

زلف لیلائے دو عالم کا جسے سودا نہیں

ہے وہ دیوانہ خدا کو اس نے پہچانا نہیں

شکوہ واماندگی کیسا کہ محبوب خدا

کیا مرے حاجت روا مشکل کشا مولیٰ نہیں

لا مکاں سے بڑھ کے کرتے ہیں ملائک احترام

ہے یہ خلوت گاہ راز مصطفیٰ کعبہ نہیں

شافع روز جزا ہیں قاسم نار و جناں

رحمتہ للعالمیں ہیں آپ آخر کیا نہیں

ہے فقط رحمت کا تیری آسرا بندہ نواز

اور کچھ ہم بے کسوں کے پاس سرمایہ نہیں

سینکڑوں اخترؔ حسین یوسف لقا دیکھے مگر

ان کا جلوہ ان کی صورت ان کا وہ نقشہ نہیں