کلام نظم بسا لغو و قیل و قال ہے یہ

کلام نظم بسا لغو و قیل و قال ہے یہ

کرو رسول کی توصیف بس مقال ہے یہ

ثنا و نعت نبی منحصر خدا میں ہے

رسول حق ہے سوئے خلق و بے مثال ہے یہ

نبی رسول سر انبیا حبیب اللہ

مطیع امر خداوند ذو الجلال ہے یہ

بلا مثال ندیم خدا بخلوت قدس

ظلال ذات خداوند لا یزال ہے یہ

نبی رسول رؤف و رحیم اہل کرم

پیمبروں میں سر حلقہ با جمال ہے یہ

فزوں دنیٰ سے ہو جس کا مقام او ادنیٰ

کوئی ہو ان سے مقابل کچھ احتمال ہے یہ

بس ایک ذات نبی کا ظہور ہے بس

ز عرش تا بہ ثریٰ سر بسر ظلال ہے یہ