امامت را کسے شاید کہ شاہ اؤلیا باشد

امامت کا سزاوار وہی ہو سکتا ہے جو شاہ اؤلیا ہو اور زہد و عصمت اور علم و دانش میں انبیا کی مثال ہو۔

دین کا امام وہی ہو سکتا ہے کہ جس کو تاج اور کمر بند عطا کیا گیا ہو، جس کے سر پر ہل اتی کا تاج اور کمر پر ’’انما‘‘ کا پٹکا ہو۔

دین کا امام وہی ہو کستا ہے کہ جس کی ولادت کعبہ میں ہو اور کعبہ اس کے قدموں کی برکت سے پاکیزگی حاصل کرے۔

اما حق وہی ہو سکتا ہے جو اس وقت بھی آں حضرت کے ساتھ تھا جبکہ آدم آب و گل میں تھے اور خود ولایت جس کی آرزو کرے۔

امام حق وہی ہو سکتا ہے جو غزوۂ خندق میں کافر پہلوان عمرو کو قتل کرے تاکہ دین حق عام ہو جائے۔

امام حق وہی ہو سکتا ہے کہ عنتر (جیسا پہلوان) بھی اگر مقابلہ پر آئے تو میدان جنگ میں اس کو بال برابر بھی خوف نہ ہو۔

امام حق وہی ہو سکتا ہے جس نے احکام خدا وندی کے خلاف کوئی کام نہ کیا ہو اور کبھی کوئی ایسا کام نہ کیا ہو جس کا شمار خطا میں ہو۔

امام حق وہی ہو سکتا ہے کہ جس نے در خیبر اکھاڑ دیا ہو اور جس کے لیے رسول خدانے یہ ارشاد فرمایا ہو یا علی تمہارا نگہبان خدا ہے۔

امامِ حق وہی ہو سکتا ہے جو ساقی کوثر ہو جو خود آب بقا ہو اور شاہِ ولایت بھی ہو۔

امام حق وہی ہو سکتا ہے جو پورے قرآں میں سے جو آیت بھی پڑھی جائے اس میں اُس کی تعریف و توصیف ہو۔

امام حق وہی ہو سکتا ہے کہ جس کے مصحفِ رخ پر خط استوا کی طرح (روشن اور واضح) آیت رحمت لکھی ہوئی ہو۔

امام حق وہی ہو سکتا ہے کہ جس کے زلف و رخ کی توصیف میں سورۂ واللیل و والضحیٰ نازل ہوئے ہوں۔

امام حق وہی ہو سکتا ہے جس کاعقد خود خدا وند تبارک تعالیٰ نے باندھا ہو، جس کی زوجہ خیر النسا ہو اور جن کے خسر حضرت محمد مصطفیٰ ہوں۔

امام حق وہی ہو سکتا ہے کہ حضرت نبی کی شریعت میں تجھے جو کوئی مشکل پیش آئے تو وہ تیرا مشکل کشا ہو۔

امام حق وہی ہو سکتا ہے جو حضرت فاطمہ زہرا کا کفو ہو، ایسی بلند مرتبت شخصیت سوائے حیدر کرار کے کس کی ہوتی ہے۔

امام حق وہی ہو سکتا ہے جو (میدان مباہلہ میں) اپنے بیٹوں اور اپنی بی بی فاطمہ زہرا کے ساتھ ہو جو نفس نبی ہو اور حضرت رسول خدا کے ساتھ چادر میں ہو۔

امامِ حق وہی ہو سکتا ہے جو قرآن کا جمع کرنے والا ہو، میدان جنگ میں حضرت رسول خدا کی حجت اور دلیل ہو۔

امام حق وہی ہو سکتا ہے کہ جس کی رائے منیر (حکم) سے آفتاب مغرب سے پلٹ آئے تاکہ اس کی فرض نماز ادا ہو۔

امام حق وہی ہو سکتا ہے جس کو حضرت رسول خدا نے اپنی بیٹی بیاہ دی ہو اور خدا نے اس کو دلدل (گھوڑا) اور ذوالفقار عطا فرمائی ہو کہ خیبر فتح کر سکے۔

امام حق وہی ہو سکتا ہے جو دین کی اشاعت کے لیے بتوں کو توڑ دے، نہ اس بے دین ناصبی کی طرح جس کا معبود ریا ہو۔