تو اگر ہو مجھ سے راضی خالق کون و مکاں

تو اگر ہو مجھ سے راضی خالق کون و مکاں

میری پھر تو عید ہوگی خالقِ کون و مکاں

یک زباں ہو کر یہی سب کہہ رہے ہیں بار بار

شان تیری ہے نرالی خالق کون و مکاں

ساری دنیا کی ہر اک شئے ذکر میں مشغول ہے

پتی پتی ڈالی ڈالی خالق کون و مکاں

وہ گنہ اور بے حیائی سے سدا محفوظ ہے

جو مکمل ہے نمازی خالق کون و مکاں

بے سہاروں کی مدد کرتا رہوں میں عمر بھر

ہے یہ کوشش پیاری پیاری خالق کون و مکاں

عنبرؔ خستہ کی تجھ سے ہے یہی فریاد اب

ہو مقدر خیر خواہی خالق کون و مکاں