قدموں کو رکھنا ارض حرم میں حساب سے

قدموں کو رکھنا ارض حرم میں حساب سے

اظہارِ عشق ایسے ہو حضرت مآب سے

نادان دیکھ لے میرے آقا کا معجزہ

کافور درد ہوگیا ان کے لعاب سے

آداب عشق سرور عالم نے یہ کہا

نعت رسول سیکھیے رب کی کتاب سے

خلد بریں وہ جائے گا کیسے نہ دوستو

نسبت ہے جس کسی کو رسالت مآب سے

اس مولوی سے کہہ دو قیامت قریب ہے

داڑھی سیاہ کرتا ہے جو بھی خضاب سے

عنبؔر رہِ نجات ہے اسوہ حضور کا

ملتا ہے درس ہم کو مقدس کتاب سے