نبی کے عشق میں قلب و جگر رفو کرلے

نبی کے عشق میں قلب و جگر رفو کرلے

اسی ذریعے مکاں اپنا خلد تو کر لے

ضرور تجھ کو بلائیں گے ایک دن آقا

ضرور جائے گا طیبہ تو آرزو کرلے

اگر ہو خلد میں جانا تو بات میری مان

نسیم صبح مدینہ سے گفتگو کر لے

جو دین شاہ پہ گھر بار کو لٹا ڈالا

اسی کی راہ پہ چلنے کی جستجو کر لے

ضرور خواب میں آئیں گے سرور عالم

اگر تو اپنے کو ہر وقت باوضو کر لے

تو پھر کوئی ترا ایماں چرا نہ پائے گا

نبی کے نقش کف پا پہ خود کو تو کرلے

اگر ہو خلد میں جانا تو سن لے اے عنبرؔ

نمازیں آقا کے جیسی تو ہو بہو کر لے