یہ دعا ہے تجھ سے کہ ہو بسر مری زندگی اسی حال میں

یہ دعا ہے تجھ سے کہ ہو بسر مری زندگی اسی حال میں

ترے عشق میں تری یاد میں تری آرزوئے وصال میں

مجھے گم کرے بھی تو ایسا کر کہ نہ آسکوں میں مثال میں

نہ کسی کے حال و مقام میں نہ کسی کے خواب و خیال میں

اے حبیبِ حق اے طبیبِ جاں تیری شان کا نہیں دوسرا

نہ تو ذات میں نہ صفات میں نہ جمال میں نہ کمال میں

بطفیل سیدالانبیا ہو دعا قبول شہیدؔ کی

پسِ مرگ بھی تیرے ماسوا نہیں آئے کوئی خیال میں