اللہ ھو اللہ ھو اللہ ھو اللہ ھو
اللہ ھو اللہ ھو اللہ ھو اللہ ھو
پوچھا گل سے یہ میں نے کہ اے خوبرو
تجھ میں آئی کہاں سے نزاکت کی بو
کس کی بو تجھ میں ہے کس کی رنگت ہے تو
ہنس کے بولا وہ گل طالبِ رنگ و بو
اللہ ھو اللہ ھو اللہ ھو اللہ ھو
کس کی شہرت دو عالم میں ہے کو بکو
کس کے جلوے ہیں اے ہم نشیں چار سو
دل میں کس نے کھلائے گل آرزو
نام کس کا لیا جائے ہے باوضو
اللہ ھو اللہ ھو اللہ ھو اللہ ھو
پھول کس نے چمن میں کیے سرخرو
حکم سے کس کے چلتی ہے صحرا میں لو
کس کی رحمت سے لبریز ہیں آب جو
کس نے انساں کو بخشی محبت کی خو
اللہ ھو اللہ ھو اللہ ھو اللہ ھو
طور پر کس کی موسیٰ سے تھی گفتگو
کر دیا کس نے داؤد کو خوش گلو
کس کو دیکھا تھا جبریل نے ہو بہو
عرش پر کون احمد کے تھا روبرو
اللہ ھو اللہ ھو اللہ ھو اللہ ھو
کون ہے جس کو کہتے ہیں سب تو ہی تو
کس کی اللہ والوں کو ہے جستجو
کربلا میں بہا کس کی خاطر لہو
کس نے پرنمؔ کے اشکوں کو دی آبرو
اللہ ھو اللہ ھو اللہ ھو اللہ ھو
- کتاب : کلیاتِ پرنم (Pg. 150)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
