یا غوث مجھے اپنا دیوانہ بنا دے

یا غوث مجھے اپنا دیوانہ بنا دے

ناکامِ تمنا ہوں الفت کا صلہ دینا

مجبور و پریشاں کو ہر غم سے چھڑا دینا

دیدار کی حسرت ہے حسرت یہ مٹا دینا

بغداد بلا لینا اور جلوہ دکھا دینا

اللہ کے پیارے ہو منظور نبی ہو تم

حسنین کے جانی ہو، اولاد علی ہو تم

ایمان ہے یہ میرا ولیوں کے ولی ہو تم

محتاج ہو میں آقا اور ابنِ سخی ہو تم

مشکل ہے میری مشکل آسان بنا دینا

وہ شانِ کرامت ہے مردوں کو جلایا ہے

اعجازِ مسیحائی دنیا کو دکھایا ہے

چوروں کو ولایت دی ابدال بنایا ہے

اس در سے زمانے نے مانگا وہی پایا ہے

سرکار میری بگڑی تقدیر بنا دینا

توحید کی مستی ہو پیمانہ محبت کا

ساغر ہو میخانہ ہر قطرے میں ہو دریا

میخوار ازل ہوں میں ہو مجھ پر کرم اتنا

بے ہوشیوں کو میری باہوش کریں سجدہ

اترے نہ نشہ جس کا ساغر وہ پلا دینا