labo.n pe aa.ii hai be-saaKHta du'aa yaa-Gaus

labo.n pe aa.ii hai be-saaKHta du'aa yaa-Gaus

machal rahaa hai bar aane ko mudda'aa yaa-Gaus

milaa hai KHuub muqaddar se silsila yaa-Gaus

nabii ke baa'd tumhaaraa hai aasraa yaa-Gaus

hazaaro.n aafate.n sah lii.n tabaah haal rahaa

Gariiq-e-bahr-e-musiibat me.n baal-baal rahaa

mujhe na apnii tabaahii kaa kuchh malaal rahaa

zahe-nasiib tumhe.n meraa kuchh KHayaal rahaa

mu'iin jaan ke tum ko pukaar uThaa yaa-Gaus

na lene degii mujhe chain gardish-e-dauraa.n

uma.nD rahaa hai Gam-o-yaas ra.nj kaa tuufaa.n

ba-juz tumhaare kare kaun mushkile.n aasaa.n

madad karo merii aise me.n sarvar-e-jiilaa.n

sukuun-o-sabr kaa Taltaa hai qaafila yaa-Gaus

karuu.n mai.n zabt kahaa.n tak fuGaa.n talaatum me.n

jalegaa dil to uThegaa dhu.aa.n talaatum me.n

sukuun mayassar kahaa.n talaatum me.n

phu.nsii hai kashtii-e-'umr-e-ruvaa.n talaatum me.n

ab aa.o bahr-e-KHudaa ban ke naa-KHudaa yaa-Gaus

nigaahe.n pherte hai.n mujh se jaane pahchaane

vo daur aayaa ki apne hue hai.n begaane

sunaa.uu.n kis ko mai.n ra.nj-o-alam ke afsaane

hai fikr aaj kii kal hogaa kyaa KHudaa jaane

sunii na aap ne gar merii iltijaa yaa-Gaus

na din me.n chain na shab me.n milaa qaraar mujhe

banaayaa gardish-e-dauraa.n ne dil-figaaram mujhe

rakhaa hai aaTho.n pahr Gam ne ashk-baar mujhe

nigaah-e-lutf-e-karam kaa hai intizaar mujhe

mile ummiid se ba.Dh kar mujhe sila yaa-Gaus

asiir-e-halqa-e-piiraan-e-piir hai 'qaisar'

Gulaam-e-qaadir-e-’abd-e-qadiir hai 'qaisar'

dar-e-huzuur kaa adnaa faqiir hai 'qaisar'

KHabar lo zulf-e-alam kaa asiir hai 'qaisar'

Gulaam aap kaa hai Gam me.n mubtalaa yaa-Gaus

labo.n pe aa.ii hai be-saaKHta du'aa yaa-Gaus

machal rahaa hai bar aane ko mudda'aa yaa-Gaus

milaa hai KHuub muqaddar se silsila yaa-Gaus

nabii ke baa'd tumhaaraa hai aasraa yaa-Gaus

hazaaro.n aafate.n sah lii.n tabaah haal rahaa

Gariiq-e-bahr-e-musiibat me.n baal-baal rahaa

mujhe na apnii tabaahii kaa kuchh malaal rahaa

zahe-nasiib tumhe.n meraa kuchh KHayaal rahaa

mu'iin jaan ke tum ko pukaar uThaa yaa-Gaus

na lene degii mujhe chain gardish-e-dauraa.n

uma.nD rahaa hai Gam-o-yaas ra.nj kaa tuufaa.n

ba-juz tumhaare kare kaun mushkile.n aasaa.n

madad karo merii aise me.n sarvar-e-jiilaa.n

sukuun-o-sabr kaa Taltaa hai qaafila yaa-Gaus

karuu.n mai.n zabt kahaa.n tak fuGaa.n talaatum me.n

jalegaa dil to uThegaa dhu.aa.n talaatum me.n

sukuun mayassar kahaa.n talaatum me.n

phu.nsii hai kashtii-e-'umr-e-ruvaa.n talaatum me.n

ab aa.o bahr-e-KHudaa ban ke naa-KHudaa yaa-Gaus

nigaahe.n pherte hai.n mujh se jaane pahchaane

vo daur aayaa ki apne hue hai.n begaane

sunaa.uu.n kis ko mai.n ra.nj-o-alam ke afsaane

hai fikr aaj kii kal hogaa kyaa KHudaa jaane

sunii na aap ne gar merii iltijaa yaa-Gaus

na din me.n chain na shab me.n milaa qaraar mujhe

banaayaa gardish-e-dauraa.n ne dil-figaaram mujhe

rakhaa hai aaTho.n pahr Gam ne ashk-baar mujhe

nigaah-e-lutf-e-karam kaa hai intizaar mujhe

mile ummiid se ba.Dh kar mujhe sila yaa-Gaus

asiir-e-halqa-e-piiraan-e-piir hai 'qaisar'

Gulaam-e-qaadir-e-’abd-e-qadiir hai 'qaisar'

dar-e-huzuur kaa adnaa faqiir hai 'qaisar'

KHabar lo zulf-e-alam kaa asiir hai 'qaisar'

Gulaam aap kaa hai Gam me.n mubtalaa yaa-Gaus