mahbuub-e-kibriyaa ke navaase husain ne

mahbuub-e-kibriyaa ke navaase husain ne

sajde me.n sar kaTaa diyaa pyaase husain ne

aal-e-nabii pe Dhaate rahe zulm ashqiyaa

mehmaa.n bulaa ke tiin din pyaasaa unhe.n rakhaa

kahne lagii sakiina chachaa jaan hai ye haal

paanii pilaa.iye hame.n hai.n pyaas se niDhaal

suu-e-furaat pahu.nche 'alam-daar is gha.Dii

dekhii ga.ii na aap se bachcho.n kii tishnagii

mashkiiza bhar ke paanii se 'abbaas chal diye

chhalnii thaa jism baazuu kaTe jaa.n ba-haq hue

bhaa.ii kii laash dekh ke uff tak nahii.n kiyaa

sabr-o-razaa kaa dars zamaane ko yuu.n diyaa

Takraa ke ranj-o-Gam kii ghaTaa se husain ne

mahbuub-e-kibriyaa ke navaase husain ne

'abbaas kaam aa ga.e akbar hue shahiid

hai sher nanhe se 'alii asGar hue shahiid

zainab ke laal ’aun-o-mohammad judaa hue

maamuu.n pe dono.n bhaanje mil kar fidaa hue

farmaayaa shah ne hai yahii marzii-e-kirdgaar

daldal pe cha.Dh ke khii.nch lii phir apnii zulfiqaar

ahl-e-haram ko de ke dilaase husain ne

mahbuub kibriyaa ke navaase husain ne

maidaan me.n ek shor-e-qayaamat thaa chaar-suu

laashe pa.De the tiir rahaa thaa lahuu lahuu

aa.ii nidaa ye teG ko bas apnii rok lo

bachpan me.n jo kiyaa thaa vo vaa'da vafaa karo

sunte hii aap sajde me.n ye kah ke gir pa.De

yaa-rab tu mere naanaa kii ummat ko baKHsh de

maa.ngaa ye sar kaTaa ke KHudaa se husain ne

mahbuub-e-kibriyaa ke navaase husain ne

mahbuub-e-kibriyaa ke navaase husain ne

sajde me.n sar kaTaa diyaa pyaase husain ne

aal-e-nabii pe Dhaate rahe zulm ashqiyaa

mehmaa.n bulaa ke tiin din pyaasaa unhe.n rakhaa

kahne lagii sakiina chachaa jaan hai ye haal

paanii pilaa.iye hame.n hai.n pyaas se niDhaal

suu-e-furaat pahu.nche 'alam-daar is gha.Dii

dekhii ga.ii na aap se bachcho.n kii tishnagii

mashkiiza bhar ke paanii se 'abbaas chal diye

chhalnii thaa jism baazuu kaTe jaa.n ba-haq hue

bhaa.ii kii laash dekh ke uff tak nahii.n kiyaa

sabr-o-razaa kaa dars zamaane ko yuu.n diyaa

Takraa ke ranj-o-Gam kii ghaTaa se husain ne

mahbuub-e-kibriyaa ke navaase husain ne

'abbaas kaam aa ga.e akbar hue shahiid

hai sher nanhe se 'alii asGar hue shahiid

zainab ke laal ’aun-o-mohammad judaa hue

maamuu.n pe dono.n bhaanje mil kar fidaa hue

farmaayaa shah ne hai yahii marzii-e-kirdgaar

daldal pe cha.Dh ke khii.nch lii phir apnii zulfiqaar

ahl-e-haram ko de ke dilaase husain ne

mahbuub kibriyaa ke navaase husain ne

maidaan me.n ek shor-e-qayaamat thaa chaar-suu

laashe pa.De the tiir rahaa thaa lahuu lahuu

aa.ii nidaa ye teG ko bas apnii rok lo

bachpan me.n jo kiyaa thaa vo vaa'da vafaa karo

sunte hii aap sajde me.n ye kah ke gir pa.De

yaa-rab tu mere naanaa kii ummat ko baKHsh de

maa.ngaa ye sar kaTaa ke KHudaa se husain ne

mahbuub-e-kibriyaa ke navaase husain ne